सोलापूर झेडपी बांधकाम विभागात फेरबदल; आसिफ खैरदी यांनी स्वीकारला कार्यकारी अभियंत्याचा पदभार..

​राज्याच्या सार्वजनिक बांधकाम विभागाने राज्यातील ३६ कार्यकारी अभियंत्यांच्या बदल्या केल्या असून, सोलापूर जिल्हा परिषद बांधकाम विभाग क्रमांक एकचे कार्यकारी अभियंता नरेंद्र खराडे यांची नांदेड जिल्हा परिषदेत बदली झाली आहे. त्यांच्या जागेवर लातूर येथील महाराष्ट्र ग्रामीण विकास संस्थेचे कार्यकारी अभियंता आसिफ परवेझ खैरदी यांची नियुक्ती करण्यात आली आहे. खैरदी यांनी बुधवारी सोलापूर जिल्हा परिषदेचे मुख्य कार्यकारी अधिकारी कुशल जैन आणि अतिरिक्त मुख्य कार्यकारी अधिकारी संदीप कोहिनकर यांची भेट घेऊन तात्काळ आपला पदभार स्वीकारला. पदभार घेतल्यानंतर त्यांनी अध्यक्ष दीपक वैद्य यांची भेट घेतली, ज्यावेळी अध्यक्षांच्या हस्ते त्यांचा शाल घालून सत्कार करण्यात आला. विशेष म्हणजे खैरदी हे मूळचे सोलापूरचेच रहिवासी असून, यापूर्वी त्यांनी दक्षिण सोलापूर तालुक्यात उप अभियंता म्हणूनही काम पाहिले आहे.

​प्रशासन आणि जनतेमधील विश्वसनीय दुवा

#infosolapur #zpsolapur #zppwd #president